呢幾日，我睇完《爸爸》之後，用咗兩日時間去沉澱自己。果然，未到12月31日，真係唔可以太早講邊套係今年最佳電影。而我覺得呢套戲，絕對係一套以真人真事帶出悲傷五個階段嘅療癒電影。
正式開始之前，我想講下劉青雲嘅演技：佢演繹嘅角色已經去到演技癲峰，完全擺脫以前比人熟悉嘅形象，你完全唔覺得佢係喺度「演戲」，而係真係化身成為咗事主本人，嗰份真實感真係令人動容。
如果你未睇過呢套戲，建議可以先跳過，睇完返嚟再睇。
電影一開始，就係案發後第二日嘅畫面。劉青雲飾演嘅阮永年，企喺對面街望返自己嘅屋企。普通人嘅生活點演最難，但佢演繹得出色到令人心痛。
至於劇情，上網已經可以搵到呢單被法官形容為「不折不扣嘅悲劇」案件詳細資料。電影亦無意再陳述案件過程，或者搵出事件嘅原因，因為呢啲根本唔重要！重要嘅係，電影係帶住我哋，跟住爸爸混亂嘅思緒，一步一步走進佢嘅內心世界，體驗佢嘅痛苦。
呢套電影最打動我嘅地方，就係佢巧妙咁展現咗悲傷嘅五個階段，讓人喺情感上得到療癒。
《悲傷的五個階段》
1. 否認／隔離（Denial & Isolation）
一開始面對悲劇時，我哋可能會選擇性忽視事實，將自己隔離，呢個係自然嘅防衛機制。電影中，當警員喺茶餐廳通知阮永年屋企出事，佢第一反應係：「我屋企可以發生咩事？」——呢句對白簡單，卻包含住無法接受事實嘅痛楚。
2. 憤怒（Anger）
當事實無法再被否認，我哋可能開始責怪身邊嘅人，甚至怨天尤人。電影中，爸爸曾經話：「如果我早啲知就唔會出事！」呢種自責同無助，係悲傷中常見嘅情緒投射。
3. 討價還價（Bargaining）
進一步，我哋可能試圖「換取」心靈安慰，例如祈求改變結局，甚至假設「如果...就唔會咁」。電影中，阮永年亦試圖喺腦海中重組事件，問自己可以點樣避免呢場悲劇。
4. 沮喪（Depression）
當一切努力都無法改變現實，真正嘅悲傷壓住嚟，呢一刻好多人會陷入低潮，甚至覺得人生無意義。電影中爸爸失魂落魄嘅狀態，無疑係呢個階段嘅具體表現。
5. 接受（Acceptance）
最終，能夠接受現實，重新振作，係走出悲傷嘅關鍵一步。電影海報上寫嘅「唯愛解惑」，正正呼應咗呢一點。愛，係唯一可以幫助人走出痛苦嘅力量。
每個人經歷悲傷嘅過程都唔一樣，有人可能停留喺某個階段無法前行。透過電影，我哋可以更好理解自己面對悲傷時嘅情緒變化，學識如何調整心態，走出陰霾。
最後，呢套電影用兩個幾鐘帶我哋進入一個爸爸嘅內心世界。我一路睇一路諗，真實事件中嘅事主，點樣熬過呢段日子呢？可以話，呢位爸爸，真係一位心靈巨人。正如海報所講：唯愛解惑 — 唯愛，才能解開痛苦嘅困局。
#爸爸 #劉青雲 #爸爸papa #唯愛解惑 #Mercisoul #這是愛 #珍惜眼前人
